A NATALE BARONE “U CUGINU“
di Ciccio De Rose
“N’inchinamu picchi ccu pugnu chiusu
e di luntanu
ni saluta Natale i Dipignanu
Purpette e prisuttu à datu a tutti
Cumpagnu ‘i viecchiu stampu Amicu veru,
‘u viju dispiaciutu e dicia: “ju nun tiegnu curpa,
l’uogliu d’a lampa s’era struttu
e ‘a malanova s’era appustata ccu ra favuce e m’à pezziatu
Mò vaju friju llà
e quannu a cent’anni arrivati prisuttu e purpette di gustu anticu vua truvati”.
