Stamattina il Comune di Cosenza ha proceduto alla rimozione della statua di Giacomo Mancini davanti a Palazzo dei Bruzi. Era stata inaugurata dal sindaco in persona, che evidentemente ha cambiato idea. Di seguito, qualche verso per ricordare l’evento…
MINNI VAIU IU!!!
Cusentini, populo ‘ngratu,
siti na brutta genti, eppuri v’haiu amatu; nun meritati nenti ma iu v’haiu datu tanto, v’haiu dato onore e gloria quannu ero in Parlamento:
di Cusenza signu storia. Facìa nu granni effetto “C’è Giacomo Mancini” si parlava ccu rispetto di Cusenza e cusentini.
U ponti ca v’haiu dato è na magnificenza a vecchia e nova ha unitu: Cusenza ccu Cusenza.
nun c’era l’autostrada e mo c’è grazia a mia; e financu chira strada, chira a quattro corsie, ca d’u traffico ntasato, dopo tanto finalmente, avia Cosenza liberato, l’ha penzata la mia mente e fino a quannu c’è stata a dovere l’ha servuta sa Cusenza disgraziata. Mo è ormai tutta perduta. E’ venutu nu sapienti e in “Parco” l’ha mutata, cussì ca un serva a nenti, e ru trafficu è sballatu.
S’e talmente stracangiata chira ch’era a città mia, basta ca cci du n’ occhiata ppe ppu dire “andiamo via”.
Nun c’è cchiù fine eleganza né cchiù posti ppe ru cori, ma c’è tanto ppe ra panza, vieni, ti intristisci e muori.
Dopo di me il diluvio dicia n’uominu saggio, iu no ca mi dispiace; ma tu cchi fa aru seggio? Ci va pecchì ragiuni e sa chi cosa è meglia, oppuri pecchì dijuni e ti offrono na teglia.
Tu ha sempri contestato puru quanno eri in tuartu, mo sembri mbalsamato né si vivu né si muartu. Ormai ti si vasciato a cchini ti cummanna un t’escia cchiù nu jatu.
Chissa è ra tua condanna. Io signu i natra pasta “Leone Socialista Cusentinu” e quindi dicu “Basta” a ssa fetida manfrina.
U Cumuni mi caccia? Ma mi nni vaiu io, ca nun mi fa ra faccia di stari cchiù ccu vui. Iu mi vriguagnu, si! Iu mi vriguagnu assai. Siti senza memoria, ingrati cumu mai.
A storia vi sta stritta? Tenitivi u presenti, vu u meritati tutto, vui cun diciti nenti. Nun siti propriu degni d’aviri ancora a mmia perciò faciti priesto cacciatimi i sa via!
FP 2025
